A BANDEIRA ROXINEGRA ONDEOU DE NOVO EN VIGO

O sindicato CNT-Vigo neste 1º de Maio decidiu por acordo da súa asemblea, facer un acto propio e convidar a sumarse a el aos colectivos da cidade que quixesen. A nosa asemblea decidiuno así, pois non creemos na realidade laboral e sindical que estase a vivir. Unha realidade onde as demais centrais sindicais, incluídas distan moito do noso modelo sindical.

Os días previos o 1º de Maio percorriamos todos os barrios da cidade, coa megafonía, convocando a cidadanía ao mitin-concentración na Pza. da Princesa de Vigo, ademais durante a negrura das noites, empapelamos a cidade con cartaces para difundir o acto, acompañado dunha campaña informativa nas redes sociais.

O mitin concentración comezou ás 12:30 da mañá coa presenza de algo máis de medio centenar persoas, ademais de contar coa asistencia da PAH VIGO-TUI, e algúns compañeiros anarcosindicalistas do Sindicato Único de Resistencia do Condado-Paradanta e o grupo anarquista da F.A.I. Acción Directa.

Os voceiros encargados de que a nosa voz, re-tombara na praza, foron por orde, o compañeiro de Hostalería Óscar, facendo un breve repaso da actualidade social e sindical que estamos a sufrir. Problemas que nos atinxen a todos, coma o TTIP, o estado de crise formado polo capital, no que pretenden que nos, a clase traballadora, sexamos uns peóns de xadrez aos que poidan mover o seu antollo, non e así, pois o compañeiro afonda na necesidade de unión da clase traballadora, co anarquismo como vida e o sindicalismo como medio, xuntos da man, poidan vencer ese capitalismo voraz e salvaxe que vivimos.

O segundo compañeiro, este pertencente o Sindicato Único de Resistencia do Condado-Paradante, fixo un análise histórico e exhaustivo dos nosos compañeiros asasinados polo capitalismo, cando tentaban loitar pola xornada de 8 horas, afogando a voz da clase traballadora e asasinando aos compañeiros Engel, Fielden, Fischer, Lingg, Schwab, Parsons, Neebey e Spies, razón pola cal hoxe conmemorase o 1º de Maio.

Para rematar, unha compañeira da CNT de Vigo, con voz firme, deu conta dun poema que alenta a forza da clase traballadora, forza implacable, forza capaz de devolver golpe por golpe, e arrincar o estado e capital os nosos dereitos inalienables e a nosa liberdade.

Como punto final, unha mención os entes burócratas-sindicais que tentaron sen éxito boicotear o noso acto e que a CNT-Vigo non dese a súa mensaxe porque mal que lle pese, e anarcosindicalista porque anarcosindicalistas foron os seus fundadores.

A CNT e todo a conxunto da militancia dos nosos sindicatos que se queiman as mans a traballar nas rúas reclamando xustiza social, as nosas gorxas afónicas de gritar en piquetes fronte os empresarios ladróns, os nosos pes de percorrer a cidade informando os veciños, os nosos corazóns, que incapaces de levar unha venda nos ollos, nos moven tódolos dias a militar nas nosas organizacións.

Ata o triunfo total da clase traballadora!!!
Ata o triunfo da revolución social!!!
VIVA A CNT!
VIVA O 1º de MAIO!