1 DE MAIO 2022. MITIN 12:00 PRZ PRINCESA
O 1º de Maio é o día da memoria da loita obreira, pero sobre todo, sempre será o día que simboliza a forza da verdade que hai nas palabras que definIron á Asociación Internacional dos Traballadores, “a emancipación será obra dos traballadores mesmos ou non será”, “que o sometimento do traballador ao capital é a fonte de toda servidume: moral, política e material “. Por todo isto, a folga xeral que comezou 1º de Maio de 1886 en Chicago, na que as sociedades obreiras anarcosindicalistas, tentaba conquistar a xornada de 8 horas, e que remataría coa detención, e posterior, asasinato perpetrado polo goberno dos EEUU dos 5 compañeiros sindicalistas anarquistas, foi desde aquela símbolo da loita da clase traballadora internacional, na que lembramos que a loita polos noso dereitos e un medio de preparación e concienciación da nosa forza e lograr un mundo máis xusto e humano.
Para a CNT-Vigo, neste 1º de Maio somos máis conscientes que as crises cíclicas económicas e a eterna precarización das nosas vidas, son a punta de lanza dun sistema, na que o pobo é un peón nos xogos xeopolíticos das multinacionais, os grupos de inversión, a banca e os estados, cos intereses das burocracias que as conforman, e que son capaces de inmolar a poboacións enteiras en guerras, namentres eles gañan cartos coa destrucción e a reconstrucción, controlan mercados e destruen o planeta.
Pero nos, non vamos morrer polos seu intereses, nin polo estado (fillo do capital e o nacionalismo), porén, si vamos a loitar por nos, o pobo, que quere ser dono de seu, individuos conscientes do bando ao que pertencen, a clase traballadora, nin clase media, nin media baixa, nin trapalladas, porque na CNT-Vigo seguiremos coa nosa teima, a razón pura da constatación da realidade, ou tragas ou loitas.
¡¡¡ATA O TRINFO TOTAL DA CLASE TRABALLADORA!!!
¡¡¡VIVA A CNT-VIGO!!